Vi forsker på: Helsefremjande og førebyggjande verksemd

Karies er framleis den dominerande sjukdomen i munnhola i Noreg, sjølv om den førebyggjande verksemda har medverka til ei monaleg betring i tannhelsa i befolkninga. Alvorsgraden er redusert, men sjukdomen rammar framleis svært mange. Grupper av innvandrarar, rusmisbrukarar, personar med sjukdom og tannbehandlingsfrykt, attåt andre med låg sosioøkonomisk status har framleis store tannhelseproblem. Ei slik endring i sjukdomsfordeling krev nye strategiar for førebygging og behandling, og både individuelle faktorar og samfunnsforhold påverkar utbreiinga av sjukdom.

Eit viktig forskingsaspekt er sosial ulikskap og forsking på årsaker til slike skilnader i tannhelse. Utforming av optimale førebyggjande tiltak og behandling av individ med mykje tannsjukdom vil kunne gje stor samfunnsøkonomisk og individuell vinst. 

Førebygging og behandling av orale sjukdomar

Dette forskingsområdet tek sikte på å utvikle kunnskap om forsvarlege og effektive metodar for å gjennomføre førebygging og behandling av orale sjukdomar, både nasjonalt og internasjonalt. Forskingsområdet er tverrfagleg og ein målsetnad er å frambringe kunnskap som kan medverke til å skildre, forklare og påverke faktorar som er relevante for tannhelsa. Stikkord for sentrale satsingar innan dette feltet er epidemiologi, helsetenesteforsking, åtferdsforsking, utvikling av førebyggingsmetodar, tannbehandlingsvegring og risikogruppa.

Prosjektar innen Helsefremjande og førebyggjande verksemd

• Caries in preschool children
• Changing parental attitudes and behaviors towards child health care
• D-cycloserine enhancement of exposure treatment of dentally fearful and avoidant children
• Dental erosions
• Development of a computerized program to promote health behavior change
• Halitosis - prevention and treatment
• Motivational predictors of dental health behaviour and oral health
• Oral health after renal transplantation
• Oral health in Prader-Willi syndrome
• Oral health related quality of life in Norwegian adults
• Prevention of oral infections in elderly institutionalised patients
• Sequela to permanent teeth after dental injuries to the primary dentition
• Short and long term impact of cancer and cancer treatment on oral health
• Social inequalities in oral health
• The KVIT project