Forskarar frå Avdeling for biomaterialer, UiO og OsloMet samarbeidar med ei rekkje andre internasjonale forskingsinstitusjonar og teknologibedrifter i Europa, for å finne ut korleis kroppen reagerar på nedbrytbare implantat av magnesium gjennom EU sitt forskingsprogram Horisont2020. Det overordna målet er å promotere pasienttryggleik gjennom å kvantifisere både den fysiske påverknaden av nedbrytbare implantat laga av ei Mg-legering, og kor egna den klassen av materiale er i framtidige menneskelege applikasjonar.
– Vi har ikkje mykje erfaring med nedbrytbare implantat i bein. Derfor er det ekstra viktig å følgje godt med korleis slike implantat oppfører seg i pasientar. Ny tilgjengelig teknologi gjer at vi kan optimalisere avbildingsteknikkar. Slik ny teknologi vil styrke pasienttryggleiken, noko som vi ser vil kome pasienten til gode, jamfør oppslag i Aftenposten siste veka, fortel Håvard Haugen, ein av prosjektleiarane.
I Hamburg presenterte forskarane, som alle er på tidlege stadium i sine karrierer, optimalisering av behandling av bilete ved implantat av biologisk nedbrytbar magnesium (engelsk). To av dei jobber frå Oslo, mens resten held til ved europeiske samarbeidsinstitusjonar.
-
Her kan de lese meir om MgSafe-prosjektet
Travel månad for Biomaterialer
Kick-off møtet i Hamburg var likevel berre ei av fleire storhendingar for Avdeling for biomaterialer denne månaden. Fleire av seniorforskarane var invitert til å delta på den 13. europeiske workshopen i periodonti i La Granja de San ILdefonso i Spania (engelsk).
Møtet konsentrerte seg om dei biologiske prinsippa og biomateriala som nyttast til å bygge opp att manglande beinvev i munnhulen. Utfallet av drøftingane på møtet kjem til å bli gjort tilgjengeleg som artiklar i ei open access spesialutgåve av Journal of Clinical Periodontology.
Frå Det odontologiske fakultet deltok Håvard Haugen, Jan Eirik Ellingsen, Janne Reseland og Ståle Petter Lyngstadaas. I tillegg var Kamal Mustafa frå UiB med i den norske gruppa. Arrangør i Spania var European Federation of Periodontology and Osteology Foundation.
